Qazaqstan Respýblıkasy Investısııalar jáne damý mınıstrliginiń buıryǵy  №402

  2015 jylǵy 31 naýryz, Astana qalasy Energııa-servıstik sharttyń úlgilik nysandaryn bekitý týraly «Energııa únemdeý jáne energııa tıimdiligin arttyrý týraly» 2012 jylǵy 13 qańtardaǵy Qazaqstan Respýblıkasynyń Zańy 5-babynyń 17-1) tarmaqshasyna sáıkes buıyramyn: 1. Qosa berilip otyrǵan energııa-servıstik sharttyń úlgilik nysandary bekitilsin. 2. Qazaqstan Respýblıkasy Investısııalar jáne damý mınıstrliginiń Indýstrııalyq damý jáne ónerkásiptik qaýipsizdik komıteti (A.Q.Erjanov): 1) osy buıryqtyń zańnamada belgilengen tártippen Qazaqstan Respýblıkasy Ádilet mınıstrliginde memlekettik tirkelýin; 2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde onyń kóshirmesin merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberýdi; 3) osy buıryqtyń Qazaqstan Respýblıkasy Investısııalar jáne damý mınıstrliginiń ınternet-resýrsynda jáne memlekettik organdardyń ıntranet-portalynda ornalastyrylýyn; 4) osy buıryq Qazaqstan Respýblıkasy Ádilet mınıstrliginde tirkelgennen keıin on jumys kúni ishinde Qazaqstan Respýblıkasy Investısııalar jáne damý mınıstrliginiń Zań departamentine osy buıryqtyń 2-tarmaǵynyń 1), 2) jáne 3) tarmaqshalarynda kózdelgen is-sharalardyń oryndalýy týraly málimetterdi usynýdy qamtamasyz etsin. 3. Osy buıryqtyń oryndalýyn baqylaý jetekshilik etetin Qazaqstan Respýblıkasynyń Investısııalar jáne damý vıse-mınıstrine júktelsin. 4. Osy buıryq onyń alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Investısııalar jáne damý mınıstri Á.ISEKEShEV «KELISILGEN» Qazaqstan Respýblıkasynyń Qarjy mınıstri ______________ B. Sultanov 2015 jylǵy 10 maýsym «KELISILGEN» Qazaqstan Respýblıkasynyń Ulttyq ekonomıka mınıstri ______________ E.Dosaev 2015 jylǵy 22 maýsym Qazaqstan Respýblıkasy Investısııalar jáne damý mınıstriniń 2015 jylǵy 31 naýryzdaǵy №402 buıryǵymen bekitilgen Energııa-servıstik sharttyń úlgilik nysandary ________________________ 20__ jylǵy «__»_______________ (sharttyń jasalǵan orny) Budan ári «Tapsyrys berýshi» dep atalatyn _______________________________________________________________________________________atynan (zańdy tulǵanyń ataýy, JSN) _________________________________________________________________________negizinde áreket etetin ____________________________________________________________________________________________, (tulǵanyń laýazymy, T.A.Á.) bir jaǵynan, jáne budan ári «Oryndaýshy» dep atalatyn _______________________________________________________________________________________atynan (zańdy tulǵanyń ataýy, JSN) _________________________________________________________________________negizinde áreket etetin _____________________________________________________________________________________________, (tulǵanyń laýazymy, T.A.Á.) budan ári birlesip «Taraptar» dep atalatyndar, «Energııa únemdeý jáne energııa tıimdiligin arttyrý týraly» 2012 jylǵy 13 qańtardaǵy Qazaqstan Respýblıkasynyń Zańyna sáıkes Tapsyrys berýshiniń energııa resýrstaryn tıimdi paıdalanýdy qamtamasyz etý maqsatynda osy energııa-servıstik shartty (budan ári – Shart) jasasty. 1. Shartta paıdalanylatyn negizgi uǵymdar 1. Osy Shartta mynadaı negizgi uǵymdar paıdalanylady: 1) energetıkalyq bazıs – Oryndaýshy energııalyq tıimdi is-sharalardy iske-asyrmaǵan bolsa, tapsyrys berýshiniń qazirgi obektilerinde paıdalanylatyn energetıkalyq resýrstardyń árbir túrin esepteý. Kelisilgen shart aıasynda jyl boıy qoldanylǵan energııa resýrstary kórsetkishteri osy jylǵy kelisimde kórsetiledi. 2) Energııa tıimdilik is-sharalary – jańa qondyrǵylardy ornatý, Tapsyrys berýshiniń obektilerinde ǵımarattardy nemese qoldanystaǵy qondyrǵylardy aýystyrý nemese jańǵyrtý, nemese energetıkalyq resýrstardy azaıtý nemese tıimdi tutyný úshin qaıta qaralǵan is-qımyldar jáne qyzmet kórseti rásimderi; 3) Energııa resýrstaryn únemdeý – Oryndaýshynyń energııa tıimdilik is-sharalaryn iske-asyrý saldary bolyp tabylatyn energetıkalyq resýrstardy tqtynýdy qysqartý. Energetıkalyq resýrstardy únemdeý Oryndaýshy energııa tıimilik is-sharalaryn ornydaǵanna (oryndaýǵa kiriskennen) keıin energetıkalyq bazısti energetıkalyq resýrstardy tutyný kólemimen (paıdalanylatyn energetıkalyq resýrstardy esepke alý aspaptarynyń derekteri boıynsha) salystyrý kezinde anyqtalady. 2. Sharttyń máni 2. Osy Shart sheńberinde Oryndaýshy Tapsyrys berýshiniń júginýi boıynsha energııa únemdeýge jáne Tapsyrys berýshi energetıkalyq resýrstardy paıdalanýynyń energetıkalyq tıimdiligin arttyrýǵa baǵyttalǵan is-áreketterdi júzege asyrady, onyń ishinde Tapsyrys berýshiniń obektilerinde energııa tıimdi is-sharalardy júzege asyrady, al Tapsyrys berýshi energııa tıimdi is-sharalardy iske asyrý nátıjesinde únemdeýden alynǵan qarajat esebinen Oryndaýshyǵa qyzmetterdiń (jumystardyń) aqysyn tóleıdi. 3. Shart: 1) Oryndaýshy osy shartty oryndaý nátıjesinde Oryndaýshy qamtamasyz etýge tıis energetıkalyq resýrstardyń shamasy (zattaı kóriniste) týraly; 2) osy shartta belgilengen energetıkalyq resýrstardy únemdeý shamasyna qol jetkizý úshin qajetti merzimnen kem bolmaýǵa tıis osy sharttyń qoldanys merzimi týraly; 3) paıdalanylatyn energetıkalyq resýrstardy jyl saıynǵy únemdeýden alynatyn qarajat esebinen qyzmetterge (jumystarǵa) tólem júrgizý týraly sharttardy qamtýǵa tıis. 4. Osy Shart sheńberinde júzege asyrylatyn energııa tıimdi is-sharalardyń tizbesi energııa únemdeý jáne arttyrý energııa tıimdiligi boıynsha qorytyndyǵa (energoaýdıt qorytyndysyna) sáıkes anyqtalady. 5. Osy Shart sheńberinde barlyq jumystar Qazaqstan Respýblıkasynyń qoldanystaǵy zańnamasynyń talaptaryna, Qazaqstan Respýblıkasynyń Qurylys normalary men qaǵıdalarynyń normatıvtik talaptaryna, qurylys jáne kúrdeli jóndeý salasyndaǵy Qazaqstan Respýblıkasynyń Memlekettik standarttaryna jáne tehnıkalyq sharttarǵa sáıkes oryndalýǵa tıis. Osy Sharttyń qoldanylýy memlekettik mekemelerge taralmaıdy. 3. Baǵa jáne esepteý tártibi 6. Osy Shart boıynsha baǵa osy shartty iske asyrý nátıjesinde qol jetkizilgen ne qol jetkizilýi josparlanǵan kórsetkishterge súıene otyryp, onyń ishinde únemdelgen energetıkalyq resýrstardyń qunyna nemese ónim birligine úlestik energııa tutynýdyń tómendeýi esebinen qalyptasatyn energetıkalyq resýrstardy únemdeýge súıene otyryp, anyqtalýǵa tıis. 7. Osy Shart boıynsha jumystardy oryndaý úshin Oryndaýshyǵa tóleýge jatatyn paıyz únemdeýden ______ %-dy quraıdy. Osy únemdeý paıyzy osy Shartty oryndaý barysynda ózgertýge jatpaıdy. _____ % únemdeý Tapsyrys berýshiniń basqarýynda qalady. 8. Osy Shart boıynsha esepter jarty jylda/jylyna bir ret aı saıyn /toqsan saıyn/ júzege asyrylady. 9. Osy Shart boıynsha esepter eseptik kezeńde qalyptasqan zattaı kóriniste energetıkalyq resýrstardy is júzinde únemdeýge, sondaı-aq esepteý kúnine is júzinde qalyptasqan tıisti energetıkalyq resýrstarǵa baǵalar (tarıfter) boıynsha qundyq kóriniste anyqtalǵan mundaı únemdeýdiń paıyzyna súıene otyryp, júzege asyrylady. Bul rette esepteýlerde mynadaı málimetter eskerilýge tıis: 1) aldyńǵy aıdaǵy is júzinde tutynylǵan energetıkalyq resýrstardy jáne is júzinde berilgen taýarlyq ónimdi esepteý aspaptarynyń kórsetkishteri; 2) aldyńǵy kezeńdegi (aı, toqsan, jarty jyl, jyl) aqshalaı kórinistegi energetıkalyq resýrstardyń is júzindegi únemdelýi; 3) kezekti kezeńge (aı, toqsan, jarty jyl, jyl) aýdarylýǵa jatatyn is júzindegi soma. 10. Esepterdi júrgizý maqsatynda Oryndaýshy eseptik kezeńnen keıingi kezeńniń 5 kúnine deıingi merzimde Tapsyrys berýshige eseptik kezeńdegi, onyń ishinde energetıkalyq resýrstardy is júzinde únemdeý esebin jáne osy Sharttyń 9-tarmaǵyna sáıkes anyqtalǵan mundaı únemdeýden Oryndaýshyǵa tóleýge jatatyn paıyz esebin qamtıtyn paıdalanylatyn energetıkalyq resýrstardy esepteý aspaptarynyń kórsetkishterin salystyryp tekserý aktisin jiberedi. 11. Tapsyrys berýshi osy Sharttyń 10-tarmaǵynda kórsetilgen qujattar kelip túsken kúnnen bastap 3 (úsh) jumys kúni ishinde salystyryp tekserý aktisi qaraýǵa jáne oǵan qol qoıýǵa ne anyqtalǵan kemshilikterdi kórsete otyryp, Oryndaýshyǵa jazbasha nysanda negizdi qarsylyqty jiberýge mindetti. 12. Tapsyrys berýshiniń talaptary negizdi bolǵan jaǵdaıda Oryndaýshy negizdi qarsylyq kelip túsken kúnnen bastap 5 (bes) jumys kúni ishinde anyqtalǵan kemshilikterdi óz kúshimen jáne óz esebinen joıady. Salystyryp tekserý aktisine qol qoıý kórsetilgen kemshilikterdi Oryndaýshy joıǵannan keıin bir jumys kúni ishinde júzege asyrylady. 13. Salystyryp tekserý aktisine osy Sharttyń 11-tarmaǵynda kórsetilgen merzimderde qol qoıylmaǵan jáne jazbasha túrde Tapsyrys berýshiniń negizdi qarsylyqtary bolmaǵan jaǵdaıda Oryndaýshy Tapsyrys berýshige tóleýge Oryndaýshy bir jaqty tártippen qol qoıǵan salystyryp tekserý aktisimen usynylǵan esepter boıynsha somany usynýǵa quqyly. 14. Salystyryp tekserý aktisine qol qoıylǵan kúnnen bastap 3 (úsh) jumys kúni ishinde Tapsyrys berýshi Oryndaýshynyń eseptik shotyna aqshalaı qarajatty (esepteýdiń qolma-qol aqshasy nysany) Oryndaýshymen esep aıyrysýlardy júzege asyrady. 15. Árbir kúntizbelik jyl aıaqtalǵannan keıin Taraptar osy shart sheńberinde tólemderdi salystyryp tekserýdi júrgizedi. 4. Energııa tıimdi is-sharalar jospary 16. Energııa tıimdi is-sharalar jospary (budan ári- Jospar) osy Sharttyń ajyramas bóligi bolyp tabylady. 17. Jospar: 1) jabdyq, Tapsyrys berýshiniń obektilerindegi qoldanystaǵy jabdyqty/ǵımaratty jańǵyrtý (túrlendirý) nemese aýystyrý nemese energııa tutynýdy jáne Tapsyrys berýshiniń obektilerinde kommýnaldyq qyzmetterdiń kólemin azaıtýǵa alyp keletin is-áreketter men qyzmet kórsetý rásimderin qaıta qaraý boıynsha is-sharalar tizbesin (Jospar osy Shartty iske asyrýdyń bastapqy kezeńinde paıdalanylatyn energetıkalyq resýrstardy esepteý aspaptaryn ornatý jáne paıdalanýǵa berý boıynsha is-sharany kózdeýge tıis); 2) Josparda kózdeletin árbir is-sharany iske asyrý merzimin; 3) eseptik kezeń aıaqtalǵannan keıin zattaı kóriniste energetıkalyq resýrstardy únemdeýdiń qol jetkizý josparlanatyn mólsherlerin (eseptik kezeńdi anyqtaý kerek: aı, toqsan, jarty jyl, jyl); 4) onyń ishinde Josparda kózdelgen árbir is-sharany iske asyrý shyǵyndaryn bóle otyryp, Oryndaýshynyń Jospardy iske asyrý shyǵyndarynyń kólemin kórsetýge tıis. 18. Tapsyrys berýshi ol Tapsyrys berýshige resmı túrde kelip túsken kúnnen bastap _____ jumys kúni ishinde Jospardy qaraýǵa jáne bekitýge ne anyqtalǵan kemshilikterdi kórsete otyryp, Oryndaýshyǵa jazbasha nysan boıynsha negizdi qarsylyqty jiberýge mindetti. 19. Tapsyrys berýshiniń talaptary negizdi bolǵan jaǵdaıda Oryndaýshy negizdi qarsylyq kelip túsken kúnnen bastap ______ jumys kúni ishinde anyqtalǵan kemshilikterdi óz kúshimen jáne óz esebinen joıady. 20. Jospardyń mazmuny boıynsha kelispeýshilikterdi Taraptar kelissózder jolymen sheshedi. 5. Energııa tıimdi is-sharalar josparyn iske asyrý 21. Oryndaýshy Tapsyrys berýshi Jospardy bekitkennen keıin ______ jumys kúni ishinde Jospardy iske asyrýǵa kirisýge mindetti. 22. Jumystardy oryndaý kezinde Oryndaýshy Josparǵa, tehnıkalyq sharttarǵa, memlekettik standarttarǵa sáıkes keletin materıaldardy, buıymdardy jáne jabdyqty qoldanýǵa mindetti. Oryndaýshy jumystardy oryndaý barysynda Tapsyrys berýshimen jazbasha kelisim boıynsha óziniń tehnıkalyq sıpattamalary boıynsha Josparda kórsetilgen materıaldarǵa sáıkes keletin nemese olardan asyp túsetin uqsas materıaldardy, buıymdardy jáne jabdyqty paıdalanýǵa quqyly. Barlyq jetkiziletin materıaldar, buıymdar jáne jabdyq tańbalanýǵa jáne sertıfıkattary, tehnıkalyq pasporttary jáne olardyń sapasyn kýálandyratyn basqa da qujattary bolýǵa tıis. Bul sertıfıkattardyń jáne rastaý qujattarynyń kóshirmelerin Oryndaýshy Tapsyrys berýshiniń talap etýi boıynsha shuǵyl túrde usynýǵa tıis. Jumystardy júrgizý kezinde Oryndaýshy tehnıkalyq sharttardy jáne materıaldardy, buıymdardy, jabdyqty daıyndaýshy zaýyttardyń nusqaýlyqtaryn, tehnologııalyq kartalardy jáne sapany jedel baqylaý syzbalaryn basshylyqqa alýǵa mindetti. 23. Oryndaýshy Tapsyrys berýshige Jospardyń árbir kezeńiniń aıaqtalýy týraly, onyń ishinde jalpy Jospardy iske asyrýdyń aıaqtalýy týraly jazbasha nysanda habarlaýǵa mindetti. Oryndaýshy jumystardy tapsyrý (jumystar kezeńi) kúnine deıin _____ kúntizbelik kúnnen keshiktirilmeıtin merzimde jumystardyń (jumystar kezeńiniń) oryndalýyn rastaıtyn qujattamany, onyń ishinde jumystardyń qunyn rastaıtyn qujattamany qosa bere otyryp, Tapsyrys berýshige jumystardyń (jumystar kezeńiniń) aıaqtalýy jáne qabyldaý ýaqytyn belgileý týraly jazbasha habarlama jiberedi. Oryndalǵan jumystar (jumystar kezeńderi) aktisine Tapsyrys berýshi jumystardyń tıisti túrde oryndalý shartymen Oryndaýshyǵa jazbasha habarlamada aıqyndalatyn oryndalǵan jumystar qabyldanǵan kúnnen bastap ______ kúntizbelik kúnnen keshiktirilmeıtin merzimde qol qoıady. Tapsyrys berýshi usynylǵan oryndalǵan jumystar aktilerinde tirkelgen Oryndaýshy oryndaǵan jumystardyń kólemderi men qunyn tekserýdi júrgizedi. Usynylǵan oryndalǵan jumystar aktilerinde sáıkessizdikter anyqtalǵan jaǵdaıda Tapsyrys berýshi anyqtalǵan sáıkessizdikterdi joıý úshin olardy Oryndaýshyǵa qaıtarady. Oryndalǵan jumystardyń (jumystar kezeńiniń) nátıjelerinde kemshilikter bolǵan kezde Taraptar qajetti pysyqtamalar tizbesi bar akt jasaıdy. Oryndaýshy eger Taraptar kemshilikter tirkeletin aktide joıýǵa jatatyn kemshilikterdiń kólemine jáne sıpatyna baılanysty ózge merzimdi anyqtamasa, _________ kúntizbelik kún ishinde oryndalǵan jumystarda jiberilgen kemshilikterdi óz kúshimen jáne óz esebinen joıýǵa mindetti. Oryndalǵan jumystar aktisine Oryndaýshy qabyldaý kezinde anyqtalǵan barlyq kemshilikter joıylǵannan keıin qol qoıady. Jumystardy (jumystar kezeńin) oryndaýdyń aıaqtalý kúni Taraptardyń oryndalǵan jumystar aktisine qol qoıý kúni bolyp esepteledi. 24. Jabýǵa jatatyn jumystardy Tapsyrys berýshi qabyldaýǵa tıis. Oryndaýshy keıingi jumystardy oryndaýǵa tek qana Tapsyrys berýshi oryndalǵan jumystardy qabyldaǵannan jáne osy jumystardy, konstrýksııalardy, ınjenerlik-tehnıkalyq qamtamasyz etý jelilerin kýálandyrý aktilerin jasaǵannan keıin kirisedi. Oryndaýshy Tapsyrys berýshige jabýǵa jatatyn oryndalǵan jumystardy, jaýapty konstrýksııalardy aralyq qabyldaýdy júrgizýdiń qajettigi týraly, biraq osy qabyldaýdy júrgizý bastalǵanǵa deıin ____ jumys kúninen keshiktirmeı jazbasha túrde aldyn ala habarlaıdy. Eger Tapsyrys berýshiniń ókili jabýǵa jatatyn oryndalǵan jumystardy, jaýapty konstrýksııalardy aralyq qabyldaýdy júrgizýdiń kórsetilgen merzimine kelmese, onda Oryndaýshy bir jaqty akt jasaıdy jáne jumystardy qabyldandy dep esepteıdi, bul rette oryndalǵan jumystardyń sapasy úshin jaýapkershilik Oryndaýshydan alynbaıdy. Bul jaǵdaıda jumystardy ashý Tapsyrys berýshiniń talap etýi boıynsha onyń esebinen júrgiziledi. Eger Tapsyrys berýshiniń ókili jumystardy júrgizý jýrnalyna jabýǵa jatatyn oryndalǵan jumystar boıynsha eskertýler engizgen jaǵdaıda, qabyldaý úshin Tapsyrys berýshi ókili kelmegen jaǵdaılardy qospaǵanda, Tapsyrys berýshiniń jazbasha ruqsatynsyz Oryndaýshy olardy jappaýǵa tıis. Eger jumystardy jabý Tapsyrys berýshiniń rastaýynsyz (Tapsyrys berýshiniń ókiline bul týraly habarlanbasa nemese keshiktirip habarlansa), onda Oryndaýshy onyń nusqaýyna sáıkes Tapsyrys berýshi ókiline qabyldaýyna ótpegen jabyq jumystardyń kez kelgen bóligin óz esebinen ashýǵa, odan keıin ony qalpyna keltirýge mindetteme alady. Qabyldanatyn jaýapty konstrýksııalardyń, jabyq jumystardyń jáne júıelerdiń daıyndyǵy Tapsyrys berý­shi­niń jáne Oryndaýshynyń konstrýksııalardy jáne jabyq jumystardy kýálandyrý aktilerine qol qoıýymen rastalady. 25. Oryndaýshy Tapsyrys berýshige jumys jáne paıdalaný jónindegi nusqaýlyqty jáne jumystardyń nátıjeleri men túrlendirilgen jabdyqqa qyzmet kórsetýge arnalǵan qosalqy bólshekterdiń usynylatyn katalogtaryn usynýǵa mindetti. Oryndalǵan jumystardy qabyldaý aktisimen rastalǵan ornatý aıaqtalǵannan keıin _______ jumys kúni ishinde Oryndaýshy Tapsyrys berýshiniń personalyn apattar bolǵan jaǵdaıda jabdyqty jáne júıeni paıdalaný, saqtaý, qalpyna keltirýge qoıylatyn talaptardy oqytýǵa mindetti. 26. Oryndaýshy Josparda kózdelgen jumystardy oryndalǵan jumystardyń _______________ jyl ishinde sapa boıynsha talaptarǵa kepildikti sáıkestikpen oryndaýǵa mindetteme alady. Oryndalǵan jumystardyń sapasy oryndalǵan jumystardyń Josparǵa, tehnıkalyq sharttarǵa, memlekettik standarttarǵńa sáıkestigimen anyqtalady. Kepildik merzimi Taraptar oryndalǵan jumystardy qabyldaý týraly aktige qol qoıǵannan kúnnen bastap esepteledi. Eger kórsetilgen kepildik merzimi kezeńinde jumystar nátıjesiniń kemshilikteri anyqtalsa, onda Oryndaýshy eger Taraptar kemshilikter tirkeletin aktide joıýǵa jatatyn kemshilikterdiń kólemine jáne sıpatyna baılanysty ózge merzimdi anyqtamasa, olardy _________ jumys kúni ishinde óz esebinen joıýǵa mindetti. Kepildik merzimi bul jaǵdaıda tıisinshe Oryndaýshy kemshilikterdi joıý boıynsha jumystardy júrgizgen kezeńge uzartylady. Kemshilikter tirkeletin aktini jasaýǵa, olardy joıý tártibin jáne merzimderin kelisýge qatysý úshin Oryndaýshy kemshilikterdiń anyqtalýy týraly Tapsyrys berýshi jazbasha habarlamasyn alǵan kúnnen bastap ____ jumys kúninen keshiktirmeı óziniń ókilin jiberýge mindetti. Oryndaýshy anyqtalǵan kemshilikter aktisin jasaýdan nemese oǵan qol qoıýdan bas tartqan kezde olardy rastaý úshin Tapsyrys berýshi saraptama taǵaıyndaıdy, ol kemshilikterdiń bolýyn jáne sıpatyn aıqyndaıtyn aktini jasaıdy. Mundaı saraptamanyń nátıjesi Taraptar úshin mindetti bolyp tabylady. Oryndaýshynyń kinási anyqtalǵan kezde saraptamamen baılanysty shyǵyndardy Oryndaýshy kóteredi. Saraptamany júrgizý Taraptardy daýdy úshin sot organdaryna júginý quqyqtarynan aıyrmaıdy. Eger kepildik merzimi kezeńinde osy Shart boıynsha Oryndaýshy jumysynyń kemshilikteri saldarynan kepildik merzimi kezeńinde obektige nuqsan keltirilse, onda Tapsyrys berýshi bul týraly Oryndaýshyǵa habarlaıdy, odan keıin Taraptar nuqsandy joıýmen baılanysty is-áreketterdi talqylaıdy jáne Oryndaýshy búlinýlerdi óz kúshimen joıady nemese Tapsyrys berýshige nuqsandy ýaǵdalastyq boıynsha ne sot tártibinde óteıdi. 27. Tapsyrys berýshiniń obektilerin paıdalaný kezeńinde, Jospar iske asyrylǵannan keıin, osy Sharttyń qoldanys merzimi ishinde Oryndaýshy Tapsyrys berýshiniń obektilerinde tehnologııalyq prosesterdi jáne jańa jabdyqtyń paıdalanylýyn qadaǵalaýdy, energetıkalyq resýrstardyń únemdelýyn anyqtaý úshin energetıkalyq resýrstardyń paıdalanylýyn baqylaýdy, energııamen jabdyqtaýshy uıymdarmen Tapsyrys berýshiniń barlyq ózara qarym-qatynastaryn baqylaýdy júzege asyrady. 6. Taraptardyń quqyqtary men mindetteri 28. Tapsyrys berýshi: 1) Oryndaýshynyń osy Shart talaptaryna sáıkes osy Shart boıynsha barlyq qyzmetter keshenin ýaqtyly jáne tolyq iske asyrýyn talap etýge; 2) anyqtalǵan kemshilikterdi ýaqtyly joıýdy talap etýge; 3) osy Shart boıynsha mindetterdiń oryndalýyn rastaıtyn tıisti túrde resimdelgen eseptik qujattamany ýaqtyly usynýdy talap etýge; 4) Oryndaýshydan osy Sharttyń mánine qatysty kez kelgen qujattamany jáne aqparatty suratýǵa; 5) Oryndaýshyǵa Tapsyrys berýshiniń osy Shartty oryndaýdan bas tartý týraly habarlamasyn alǵanǵa deıin oryndalǵan kórsetilgen qyzmetterdiń bóligine proporsıonal belgilengen baǵanyń bóligin tóleı otyryp, mindettemeler kezeńin oryndaýdy tapsyrý-qabyldaý aktisine qol qoıǵanǵa deıin kez kelgen ýaqytta osy Shartty oryndaýdan bas tartýǵa quqyly. 29. Tapsyrys berýshi: 1) Oryndaýshynyń qyzmetterin qabyldaýdy jáne osy shartta kózdelgen mólsherde, tártipte jáne talaptarda olarǵa tólem júrgizýdi júzege asyrýǵa; 2) Oryndaýshynyń talabyn alý kúninen keıingi _____ jumys kúninen keshiktirilmeıtin merzimde Oryndaýshynyń talap etýi boıynsha osy Shartty oryndaý úshin qajetti aqparatty jáne qujattardy usynýǵa; 3) Oryndaýshyǵa Tapsyrys berýshiniń úı-jaılarynap ruqsatty qamtamasyz etýge; 4) osy Shart boıynsha qyzmetterdi kórsetý úshin qaýipsiz sharttardy qalyptastyrýǵa; 5) osy Shart boıynsha Oryndaýshymen ózara is-árekette Tapsyrys berýshiniń múddesin bildirý boıynsha jaýapty ókilin taǵaıyndaýǵa; 6) Oryndaýshyǵa osy Shart boıynsha mindettemelerdi oryndaý úshin qajetti senimhat berýge; 7) Oryndaýshyǵa Josparda kózdelgen is-sharalardy iske asyrý kezinde járdem kórsetýge; 8) Oryndaýshy qyzmetter kórsetý týraly aktini usynǵan sátten bastap ________ merzimde tıisti aktige qol qoıýǵa jáne bir danasyn Oryndaýshyǵa berýge ne Oryndaýshyǵa tıisti aktige qol qoıýdan dáleldi bas tartýdy usynýǵa mindetti. 30. Oryndaýshy: 1) Tapsyrys berýshiniń osy Sharttyń talaptaryna sáıkes osy Shart boıynsha kórsetilgen qyzmetterge ýaqtyly jáne tolyq tólem júrgizýin talap etýge; 2) Tapsyrys berýshiden osy Shartty oryndaý úshin qajetti aqparatty jáne qujattardy ýaqtyly usynýdy talap etýge; 3) Tapsyrys berýshiden onyń úı-jaılaryna erkin ruqsatty talap etýge; 4) osy Shart sheńberinde jumystar men qyzmetterdi oryndaý úshin qosalqy merdigerlik uıymdardy tartýǵa quqyly. Jumystardy oryndaýǵa qosalqy merdigerlik uıymdar tartylǵan jaǵdaıda Oryndaýshy Tapsyrys berýshiniń aldynda qosalqy merdigerlik uıymdardyń is-áreketteri úshin jaýapkershilikte bolady. 31. Oryndaýshy: 1) Tapsyrys berýshige osy shartta kózdelgen barlyq jumystardyń túrlerin oryndaýǵa (esepteý júıelerin jáne avtomattandyrylǵan derekterdi jınaý júıelerin jobalaý, montajdaý jáne jóndeý; ólsheý quraldaryna qyzmet kórsetý jáne jóndeý; obektilerdi energetıkalyq tekserý jáne t.b.) arnalǵan ruqsat berý qujattaryn usynýǵa; 2) barlyq is-sharalar keshenin osy shart belgilengen merzimderde iske asyrýǵa. 3) Josparda anyqtalǵan jumystardy (is-sharalardy) turaqty negizde, ýaqtyly jáne tolyq kólemde oryndaýǵa. 4) osy Sharttyń talaptaryna sáıkes qajetti: materıaldardy; jabdyqty usynýǵa; 5) osy shartqa sáıkes iske asyrýǵa jatatyn Jospardy Tapsyrys berýshimen kelisýge, ózge de ruqsat berý qujatyn alýdy qamtamasyz etýge; 6) ár aıdyń _______ kúninen keshiktirmeı Tapsyrys berýshige ótken aıdaǵy energetıkalyq resýrstardyń is júzinde tutyný, aldyńǵy jyldyń uqsas kezeńindegi aýdarymdardyń somalary týraly málimetterdi, energetıkalyq resýrstardyń qol jetkizilgen únemdelýiniń mólsheri týraly málimetterdi qamtıtyn osy Sharttyń oryndalý barysy týraly jazbasha esepti usynýǵa; 7) barlyq paıdalanylatyn resýrstardy esepteý aspaptaryn ornatýǵa (osy mindetti sheshý sheńberinde ornatylady, olar bolǵan jaǵdaıda - sýyq, ystyq sýǵa, jylýǵa, elektr energııasyna arnalǵan esepteý aspaptar qodanystaǵy talaptarǵa sáıkes keltiriledi); 8) paıdalanylatyn energetıkalyq resýrstardy esepteý aspaptaryn paıdalanýǵa berýge; 9) esepteý aspaptarynyń turaqty jumysqa qabilettiligin ustap turýdy baqylýǵa. Servıstik qyzmet kórsetý júıesiniń jumys isteýi esebinen qol jetkiziledi, ol aspaptardyń aqaýyn baqylaýdy, olar isten shyqqan jaǵdaıda jedel jóndeýdi, reglamenttik jumystardy (tazalaý, metrologııalyq tekserý jáne t.b.) oryndaýdy qamtıdy; 10) tehnıkalyq reglamentterdiń, memlekettik standarttardyń, qurylys normalary men qaǵıdalarynyń, sanıtar­lyq normalar men qaǵıdalardyń, gıgıenalyq normatıvterdiń talaptaryn qosa alǵanda, qoldanystaǵy zańnamanyń normalaryna sáıkes energetıkalyq resýrstardyń paıdalaný rejımderin (sharttaryn) qamtamasyz etýge mindetti. 7. Taraptardyń jaýapkershiligi 32. Osy Shartty oryndamaǵany nemese tıisinshe oryndamaǵany úshin Taraptar Qazaqstan Respýblıkasynyń qoldanystaǵy zańnamasyna sáıkes jaýapkershilikte bolady. 33. Tapsyrys berýshi osy shartta kózdelgen mindettemelerdi oryndaý merzimin ótkizgen jaǵdaıda, Oryndaýshy turyqsyzdyq aıybyn (ósimaqy) tóleýdi talap etýge quqyly. 34. Tapsyrys berýshi eger osy shartta kózdelgen mindettemelerdi oryndaý merziminiń ótýi eńserilmeıtin kúsh saldarynan, Oryndaýshynyń kinási boıynsha nemese ózge de adamdardyń kinási boıynsha bolǵanyn dáleldese, turyqsyzdyq aıybyn (ósimaqy) tóleýden bosatylady. 35. Oryndaýshy osy shartqa sáıkes kepildik merzimi ishinde oryndalǵan jumystardyń sapasy úshin, jumystardy júrgizý kezinde paıdalanylatyn materıaldar, buıymdar jáne jabdyqtyń sapasy úshin jaýapkershilikte bolady. 36. Oryndaýshy osy Shartty oryndaý sheńberinde júrgizilgen shyǵyndardy, eger osy Sharttyń qoldanys merzimi bitkenne keıin kórsetilgen shyǵyndar energetıkalyq resýrstardy únemdeýden alynǵan qarajat esebinen, onyń ishinde osy shartta belgilengen energetıkalyq resýrstardy únemdeý kórsetkishterine qol jetkizbeý sebebinen jabylmaǵan jaǵdaıda óziniń shyǵyndaryna jatqyzý táýekelin alady. 37. Oryndaýshy osy shartta kózdelgen mindettemelerdi oryndaý merzimin ótkizgen, onyń ishinde jumystardy oryn­daý merzimin, anyqtalǵan kemshilikterdi joıý merzimderin, buzǵan jaǵdaıda Tapsyrys berýshi tólemdi talap etýge quqyly. 38. Turaqsyzdyq aıbyn tóleý nemese jaýapkershiliktiń ózge de nysanyn qoldaný Tarapty osy Shart boıynsha mindettemelerin oryndaýdan bosatpaıdyv. 39. Oryndaýshy barlyq energııa tıimdi is-sharalardy iske asyrý kezinde sapany baqylaý úshin jaýapkershilikte bolady. Oryndaýshy osy Sharttyń talaptaryna sáıkestikti qamtamasyz etý úshin oryndalatyn barlyq jumysty teskerýge jáne testileýge mindetti. 8. Fors-majorlyq mán-jaılar 40. Taraptardyń eshqaısysy fors-majorlyq mán-jaılar, ıaǵnı eńserilmeıtin kúsh mán-jaılary (tabıǵı apattar nemese boljap-bilý nemese aldyn alý múmkin emes ózge de mán-jaılar), sondaı-aq osy Sharttyń talaptaryn oryndamaýǵa nemese tıisinshe oryndamaýǵa alyp keletin soǵys is-qımyldary, ereýilder jáne t.b. oryn alǵan jaǵdaıda ekinshi taraptyń aldynda jaýapkershilikte bolmaıdy. 41. Taraptardyń osy Shart boıynsha mindettemeleri eńserilmeıtin kúsh mán-jaılary áreket etetin merzimge, biraq tek qana mundaı mán-jaılar Taraptardyń osy Shart boıynsha mindettemelerin oryndaýyna kedergi keltiretindeı dárejde toqtatylýy múmkin. 42. Ol úshin eńserilmeıtin kúsh mán-jaılarynyń oryn alýy saldarynan mindettemelerin tıisinshe oryndaý múmkin bolmaǵan Tarap mundaı mán-jaılar oryn alǵan kúnnen bastap 10 kúntizbelik kún ishinde olardyń oryn alýy, túri jáne olardyń áseriniń yqtımal uzaqtyǵy týraly ekinshi Tarapqa jazbasha nysanda habarlaýǵa mindetti. 43. Eger osy Sharttyń 40-tarmaǵynda kórsetilgen mán-jaılar tıisti habarlanǵan kúnnen bastap _______________ kúntizbelik kúnnen artyq sozylsa, Taraptar mundaı mán-jaılardyń oryn alýyna baılanysty keltirilgen shyǵyndardyń ótelýin talap etpeı, ózara kelisim boıynsha osy Shartty buzýǵa quqyly. 44. Jumystardy oryndaý nátıjesinde úshinshi tulǵaǵa keltirilgen nuqsandy, eger bul nuqsannyń ózge de adamdardyń kinási boıynsha keltirilgendigi dáleldenbese, Oryndaýshy óteıdi. Eger eńserilmeıtin kúsh mán-jaılary 3 jáne odan astam aıǵa sozylǵan jaǵdaıda, Taraptardyń árqaısysy boljanatyn buzý kúnine deıin keminde kúntizbelik kún buryn ekinshi tarapqa aldyn ala habarlaý shartymen Shartty buzýǵa quqyly. Bul rette Taraptar 30 kúntizbelik kún ishinde Shart boıynsha barlyq ózara esep aıyrysýlardy júrgizýge mindetteme alady. 9. Qorytyndy ereje 45. Osy shart taraptar oǵan qol qoıǵan kúnnen bastap jasalaǵan bolyp esepteledi jáne 20__j. «___»__________ deıin qoldanysta bolady. 46. Osy shartty Taraptardyń kelisimi nemese sottyń sheshimi boıynsha, azamattyq zańnamada kózdelgen negizder boıynsha buzýǵa ruqsat etiledi. 47. Osy shart eger osy Shartty oryndaý kezinde keltirilgen Oryndaýshynyń shyǵyndaryn jabý (osy shartta belgilengen únemdeý paıyzyn tóleý jolymen) osy Sharttyń qoldanys merziminiń aıaqtalýynan buryn bolǵan jaǵdaıda óziniń qoldanysyn toqtatady. 48. Osy sharttyń talaptaryn oryndaýmen baılanysty tapsyrys berýshi jáne oryndaýshy arasyndaǵy barlyq daýly máseleler zańnamada belgilengen tártippen sheshiledi. 49. Osy shartta kózdelmegen barlyq jaǵdaılarda Taraptar Qazaqstan Respýblıkasynyń qoldanystaǵy zańnamasyn basshylyqqa alady. 50. Osy Shart Taraptardyń árqaısysyna bir-birden beriletin jáne birdeń zańdyq kúshi bar memlekettik jáne oryn tilderindegi eki túpnusqa danada, _____ paraqta jasaldy. 10. Taraptardyń derektemeleri Tapsyrys berýshi ________________________ ________________________ ________________________ ________________________ ________________________ M.O. Oryndaýshy ________________________ ________________________ ________________________ ________________________ ________________________ M. O. Buıryq Qazaqstan Respýblıkasynyń Ádilet mınıstrliginde 2015 jylǵy 14 shildede Normatıvtik quqyqtyq kesimderdi memlekettik tirkeýdiń tizilimine №11663 bolyp engizildi.